• ਗਜਲ

ਜਗਮੀਤ ਸੰਧੂ
ਇੰਝ ਨਾ ਬਖੇਰ ਸਾਨੂੰ ਤੂੰ ਸ਼ਰਾਰਤਾਂ ਦੇ ਨਾਲ
ਭਾਂਵੇ ਜਾਨ ਕੱਢ ਲੈ, ਪਰ ਮੁਹਬੱਤਾਂ ਦੇ ਨਾਲ
ਤੇਰੇ ਪੈਰਾਂ ਤੋਂ ਵੀ ਨੀਵੇਂ ਲੱਗਦੇ ਨੇ ਇਹ ਉਦੋਂ
ਜਦੋਂ ਤੂੰ ਖਲੋਂਦਾ ਏ ਮੇਰੀ ਔਕਾਤ ਦੇ ਪਰਬਤਾਂ ਦੇ ਨਾਲ
ਰਹਿਮਤ ਹੁੰਦੀ ਹੈ ਨਸੀਬ ਇਹ ਕਿਸੇ ਕਿਸੇ ਨੂੰ ਹੀ
ਮੁਹੱਬਤ ਖਰੀਦਿਆਂ ਨਹੀਂ ਮਿਲਦੀ ਬਜ਼ਾਰੋਂ ਦੌਲਤਾਂ ਦੇ ਨਾਲ
ਤਨ ਤਾਂ ਕੀਤੇ ਜਾ ਸਕਦੇ ਨੇ ਕੈਦ ਭਾਵੇਂ,ਪਰ
ਦਿਲਾਂ ਤੇ ਰਾਜ ਨਹੀਂ ਹੁੰਦੇ ਕਦੇ ਤਾਕਤਾਂ ਦੇ ਨਾਲ
ਘਰ, ਖੁਸ਼ੀਆਂ, ਖੁਵਾਬ ਸਭ ਢਹਿ ਗਏ
ਹੋਂਸਲੇ ਨਾ ਢਏ ਪਰ ਸਾਡੇ ਕਿਆਮਤਾਂ ਦੇ ਨਾਲ