ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੂੰ ਇਸ ਸਾਲ ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਨਾਗਰਿਕ ਸਨਮਾਨ ਪਦਮ ਵਿਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ ਹੈ. ਸਚਿਨ ਨੇ ਇਸਨੂੰ ਆਪਣੇ ਲਈ ਇੱਕ ਸੁਪਨੇ ਦੇ ਸੱਚ ਹੋਣ ਵਰਗਾ ਤਜੁਰਬਾ ਦੱਸਿਆ ਹੈ.
ਫਿਲਹਾਲ ਇੱਥੇ ਅਸਟ੍ਰੇਲੀਆ ਦੇ ਖਿਲਾਫ ਚੌਥਾ ਅਤੇ ਆਖਰੀ ਟੈਸਟ ਮੈਚ ਖੇਡ ਰਹੇ ਸਚਿਨ ਨੇ ਕਿਹਾ ਕਿ ਇਹ ਸਨਮਾਨ ਦੂਜੇ ਪੁਰਸਕਾਰਾਂ ਨਾਲੋਂ ਜਿਆਦਾ ਅਹਮਿਅਤ ਰੱਖਦਾ ਹੈ. ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਹੀ ਖੇਡ ਨੂੰ ਦਿੱਤੇ ਗਏ ਬੇਹਤਰੀਨ ਯੋਗਦਾਨ ਲਈ ਸਚਿਨ ਨੂੰ ਪਦਮ ਵਿਭੂਸ਼ਣ ਪੁਰਸਕਾਰ ਦੇਣ ਬਾਰੇ ਐਲਾਣ ਕੀਤਾ ਸੀ. ਇਸ ਤੋਂ ਪਹਿਲਾਂ ਉਨ੍ਹਾਂ ਨੂੰ ਪਦਮਸ਼੍ਰੀ ਪੁਰਸਕਾਰ ਵੀ ਮਿਲ ਚੁੱਕਿਆ ਹੈ.
ਉਨ੍ਹਾਂ ਕਿਹਾ ਕਿ ਮੈਂ ਹੁਣ ਤਕ ਕਈ ਪੁਰਸਕਾਰ ਅਤੇ ਟ੍ਰਾਫੀਆਂ ਜਿੱਤੀਆਂ ਹਨ, ਪਰ ਇਹ ਉਨ੍ਹਾਂ ਸਾਰਿਆਂ ਤੋਂ ਉੱਤੇ ਹੈ. ਮੈਂ ਕਈ ਵਰ੍ਹਿਆਂ ਤੋਂ ਖੇਡ ਰਿਹਾ ਹਾਂ ਅਤੇ ਜਦ ਸਰਕਾਰ ਤੁਹਾਡੀ ਕੋਸ਼ਿਸ਼ਾ ਨੂੰ ਮਾਨਤਾ ਦੇਕੇ ਤੁਹਾਨੂੰ ਦੇਸ਼ ਦੇ ਦੂਜੇ ਸਭ ਤੋਂ ਉੱਚੇ ਨਾਗਰਿਕ ਪੁਰਸਕਾਰ ਨਾਲ ਸਨਮਾਨਿਤ ਕਰਦੀ ਹੈ ਤਾਂ ਇਹ ਬਹੁਤ ਹੀ ਖਾਸ ਬਣ ਜਾਂਦਾ ਹੈ.
ਸਚਿਨ ਨੇ ਪਦਮ ਪੁਰਸਕਾਰਾਂ ਨਾਲ ਸਨਮਾਨਿਤ ਹੋਣ ਵਾਲੇ ਹੋਰ ਲੋਕਾਂ ਨੂੰ ਵੀ ਮੁਬਾਰਕਾਂ ਦਿੱਤੀਆਂ. ਸਚਿਨ ਉਨ੍ਹਾਂ ਪੰਜ ਖਿਡਾਰੀਆਂ ਵਿੱਚ ਸ਼ਾਮਿਲ ਹਨ, ਜਿਨ੍ਹਾਂ ਨੂੰ ਇਸ ਵਰ੍ਹੇ ਇਹ ਸਨਮਾਨ ਦਿੱਤਾ ਗਿਆ ਹੈ. ਉਨ੍ਹਾਂ ਤੋਂ ਇਲਾਵਾ ਵਿਸ਼ਨਾਥਨ ਆਨੰਦ, ਪਰਵਤਾਰੋਹੀ ਮਰਹੂਮ ਐਡਮੰਡ ਹਿਲੇਰੀ, ਭਾਰਤੀ ਫੁਟਬਾਲ ਟੀਮ ਦੇ ਕਪਤਾਨ ਬਾਇਚੁੰਗ ਭੁਟੀਆ ਅਤੇ ਤੈਰਾਕ ਬੁਲਾ ਚੌਧਰੀ ਨੂੰ ਵੀ ਇਹ ਸਨਮਾਨ ਮਿਲਿਆ ਹੈ.
ਲੋਡ ਹੋ ਰਿਹਾ ਹੈ